Fir d’Lux Beach Tour 2024, d’national Turnéesserie am Beachvolleyball zu Lëtzebuerg, hu mir den offiziellen Trikotdesign fir all Spillstatiounen vun der Saison entworf. D’Zil war et, d’Dynamik an d’Atmosphär vum Sport mat engem visuellen Konzept ze verbannen, dat souwuel funktionell wéi och emotional iwwerzeegt.
Entstanen sinn zwou faarflech ënnerschiddlech Trikotvarianten, déi jeeweils e spezielle Moment um Plage symboliséieren:
– Déi blo Variant steet fir d’Frëschheet an d’Energie vum Sonnenopgang, mat engem kille Faarfverlaf an hellen Akzenten.
– Déi violett Variant reflektéiert d’Wäermt an d’Intensitéit vun engem Sonnenënnergang um Plage, mat méi staarke Faarftéin an engem dynamesche Faarfspill.Ergänzt gëtt den Design duerch zwou individuell Stad-Silhouetten, déi an d’Layout vun den Trikoten integréiert goufen: Esch-Uelzecht an Lëtzebuerg-Stad – jee no Etapp vun der Tour, ouni sech gestalteresch ze iwwerlappen. Béid Designen schafen esou e regionale Bezuch a stäerken gläichzäiteg déi visuell Identitéit vun der Turnéesserie.
